اسم كارانك ليه حكاية كده بسيطة. بابايا كان عنده عربية وورثهالي. أنا بصراحة مكنتش أكتر واحد بيحنّ على العربية ولا كنت مهتم بيها قوي. كانت حالتها صعبة جدًا. بس الغريب إنها كانت ماشية كويس، يمكن شوية... لأ، كتير من الدوشة، لدرجة إننا مكنّاش بنعرف نسمع بعض وإحنا بنتكلم.
الميكانيكية قالوا إن الصوت ده جاي من عمود الكرنك، وبما إن الناس في العادي بينطقوا "كرنك" بـ"كارانك"... فخلاص، بقى اسمها كارانك ... البركة في حد من اصحابي هو اللي سماها :)
الموقع "كارنك" عندي بقاله سنين طويلة و مرينا سوا بتغييرات كتير... و كارانك ده زي ما قلت كان اسم عربيتي زمان
فيات بولندي١٢٥ - ١٩٧٣
نمرتها كانت ٤٠٤٨٨ ملاكي اسكندرية
و حاليا هو مدونتي الشخصية و كلها عن ذكرياتي...
و مكان للتنفيس عن اللي بيدور جوايا
معلومة اضافية لا قيمة لها: بيجو ٤٠٤ نمرتها كانت ٤٤٠٨٨ - كان
نفسي ابدل معاه النمر ... هو ياخد ٤٠٤٨٨ و انا خد ٤٤٠٨٨. بس منفعش. مش
قلتلكم معلومة لا قيمة لها.
