Posts

المفيش احسن

Image
 ٥٧ سنة و معنديش لا وقت و لا صحة و لا رغبة اني اعمل اصحاب جداد او اتعرف علي ناس جديدة مع احتمالية انهم يبقوا اصحاب او لا. خلاص، الاصحاب الموجودين دلوقت و حلو علي كدة. اصحاب من ٣٠ او ٤٠ سنة هما الاصحاب… انما اني اتعرف علي اصحاب خلال السنة او الاتنين او حتي العشر سنين الاخيرة… مش حينفع و انا مش حنفع. الاصحاب اللي علي كبر دول مش اصحاب… هما مجرد بيدورا علي حد لتمضية الوقت بدل من الوحدة… و دي مش صحوبية… و اللي يقولك دي حاجة كويسة و احسن من مفيش قوله لأ مش كويسة و المفيش احسن ١٠٠ مرة. فكرة انك يبقي حواليك ناس او ما يطلق عليهم اصحاب و لكن هما في الحقيقة مجرد خيالات او اشباح فده معناه انهم مش اصحاب و لا كانوا و لا حيكونوا… مجرد خيالات… و بس.

وصلنا و لا لسة؟

Image
 هل وصلنا للعمر و العجز ان اللي حوالينا بيموتوا… فلان مات و فلان الله يرحمه…!؟ هل لازم نتعود اننا مش كلنا حنعجز سوا… في اللي حيسبق و في اللي حيلحق…!؟ هل اللي راح ده ارتاح و لا اللي راح راح…!؟

انا تعبان

Image
 امبارح حضرت جنازة واحد معرفوش بس نعرف اخته. بعد الجنازة خرجت و انا عارف عنه حاجات كتير - ذكي جدا و لكن ملوش في الدراسة - بيلعب جيتار - اشتغل ميكانيكي - اشتغل كهربائي - اشتغل في بناء البيوت - بيكتب اغاني - بيغني في بار - عنده ٩ اخوات و هو نمرة ٣ - متجوز - عنده بنت و لكن اتوفت من فترة - ادمن هيروين - عاش في كذا مكان و مدن مختلفة - مات عجوز و عيان اخواته و قرايبه كلهم بيحبوه و بيشكروا فيه ، بيمدحوا في روحه المرحة و رغبته في الحياة بحرية و حتي منتهاها. (بيتهألي الوقت مكنش مناسب انهم يذكروا الخرا اللي عمله في حياته و الالم اللي سببه ليهم و لكل اللي حواليه)

فاك يو تو… يس يو

Image
 . من الايام التعيسة لما تكون كل تفكيرك ان الحياة خرا… حقيقي هي خرا من كذا ناحية و لكن المطلوب منك مجتمعياً ان تكون متفائل و شايف ان الحياة حلوة و ان الجاي احلي و ان لازم نشوف نص الكوباية المليان و الكلام الخرا ده كله المفروض تشوف الدنيا مش خرا. و بعدين تبقي انت شايفها خرا من كل النواحي و يجي حد بالكلمتين الحلوين دول يتوقع ان خلاص كدة بقيت شايفها حلوة وًجميلة و الخرا قلب وبقي كريم شانتيه و مهلبية و انك بقيت ترقص في الشوارع من السعادة. ده واقعنا و احنا بس بنحاول نهرب منه بالكلام الخرا ده علشان يلهينا عن العيشة الخرا … طيب. اكيد طبعاً طبعاً… ان شاء الله و الف الف مبروك.

انا بتاع الكلب...

Image
      مقولة عمري ما توقعت اسرقها من فيلم نجيب الريحاني... لا و بقولها و كلي فخر و اعتزاز و انا راجع من تمشية الباشا و انا ماسك في ايدي كيس اللي ولا مؤاخذة اللي فيه الكاكا بتاعه (و كلي فخر و اعتزاز برضه... عادي يعني) اصل الحكاية.... زمااااان كان عندي كلب و انا في ثانوي و كان الوضع كما يلي: - الكلب بتاعي - امي توكله - ابويا يمشيه - زي ما قلت الكلب بتاعي...  كان كبيري اروح به البحر، او امشيه علي الكورنيش (لزوم الاناقة و الرسمة) انما ابويا الله يرحمه كن مسئول الحركة و البركة و التمشية و امي الله يرحمها كانت مسئولة التغذية و الصحة... و انا 'مش' مسئول البكّش و الفلحسة.  ده بقي كان حمادة و اللي انا فيه دلوقتي حمادة تااااني خالص. من حسن حظنا اننا جبنا كلب و من سوء حظنا اننا جبناه بيبي و محتاج رعاية بنت 'تيت'. مراتي متولية التغذية و انا بتاع كل حاجة تانية... تمشية و رياضة و حموم و دكاترة و تمشية و تمشية و تمشية و لما بيمرض و قد حدث و جاله اسهال لعدة ايام 

العيا الوحش… وحش

Image
 ا طول عمرنا و خلال حياتنا جاتنا اخبار مش ولا بد… فلان عيان … اه ، العيا الوحش (امي الله يرحمها كانت متقولش سرطان ابداً… تقول العيا الوحش و كلنا فاهمين)… فلانة ربنا يخفف عنها جالها العيا الوحش… مروان صاحبي من ايام الطفولة الحمد لله اتعالج من العيا الوحش و خف… بس هوپي صديق الطفولة و الجار الجميل اتوفي بسبب العيا الوحش… بتسمع و بنسمع الاخبار و يا إما تدعي بالشفاء او تدعي بالرحمة و المغفرة او تهنئ بالشفاء و انت حاطط ايدك علي قلبك لحسن التهنئة تتغير بعد شوية و …. العيا الوحش … وحش . كل الاخبار بتبقي نسبياً بعيدة عنك و مدخلتش بيتك… و لكن … العيا الوحش لما بيدخل بيتك اول حاجة يعملها انه يخبط كل اللي حواليك علي دماغهم… العيان بالعيا الوحش بيبقي حامل هم اللي حواليه و اللي حواليه محتاسين و مش عارفين يحمله همه ازاي… يساعدوه ازاي؟ يخففوا عنه ازاي؟ يحافظوا علي معنوياته عالية ازاي؟  محتاسين حوسة اكبر … ازاي يمنعوا نفسهم من التفكير في بكرة و اللي حيحصل فيه!!! ازاي يبعدوا بكرة او يأجلوه او حتي يلغوه و يخللوا النهاردة يوم لا نهائي…. او انهم يفضلوا يحلموا انهم يرجعوا لوقت قبل العيا الوحش و ان عمرهم ما

اسوأ يوم في حياتي (اسود سنة في حياتي)

Image
  اإمبارح عرفنا خبر لا اتمني لحد انه يسمعه او ان يتعرض لشئ مماثل… ٢١-١٢-٢١ … يوم لعين مراتي و حبيبتي لمدة ٢٨ سنة شخصت بمرض (ما قبل) اللوكيميا لو لم يتم التعامل معه بسرعة جداً فسيتحول للوكيميا … الدعاء . علي ملعونة ٢٠٢١