Skip to main content

Posts

Showing posts from February, 2018

مش مذكراتي

بقالي فترة و انا خاطر علي بالي اكتب ذكرياتي (مش مذكراتي)... مش عارف ليه؟ هي لا تهم حد و لا تفرق مع حد... و لا يهمني لو حد قراها او حتي شافها.... بس برضه ذكريات كتير بتمر علي بالي زي شريط السينما و نفسي لو اقدر امسكها و اسجلها و احتفظ بيها... لحسن انساها... احساس غريب...شكله السن. ذكرياتي هي ذكري ايام جميلة مرت أو ايام حزينة عدت و اكيد في ايام كئيبة بنت لذينه... و لكنها لسة ذكريات... ذكرياتي... انا

ذكريات اسكندرية -١

ذكريات اسكندرية: كان عندنا في شقة اسكندرية كنبة في الركن و كانت مثلثة... ذكرياتي عن الكنبة دي ان انا و ولاد عمتي بكر و خالد كنا ساعات ننام عليها لما يصادف ان كلنا نتقابل هناك في الصيف... الكنبة صغيرة فعلا... بس كنا احنا كمان صغار... تقريبا في اوائل السبعينات ١٩٧٢. ذكريات اسكندرية: مصطفي ابن اختي مشي اول خطواته قدام البيت فس اسكندرية و لكن علي كابوت عربيتنا الفيات ١٢٥ (الكارنك) ... تقريبا سنة ١٩٨٦. ذكريات اسكندرية: كنت انا و هاني و خالد و وائل اصحابي القاهريين لما ييجوا اسكندرية في الصيف و نقرر نروح المعمورة... مفيش غير الاتوبيس علي الكورنيش #١٢٥ او #٢٥ و علشان برستيجنا كنا بننزل قبل ما يدخل المعمورة و ندخلها مشي... و شرحه في المرواح...كنا بنركبه عند باب الخروج... تقريبا سنة ١٩٨٠. ذكريات اسكندرية: هبة اختي كانت تاخد عربيتنا (الكارنك) و تعيش حياتها مع اصحابها في المعمورة و النادي و عط في اسكندرية و بعدين الاقي مكالمة: علي تعالي شوف العربية عطلت او اتخبطت.... و العبدالله يا ما روح بالعربية مجرورة ورا عربية كارو او نصف نقل.... تقريبا في اوائل التمانينات ... ١٩٨٢. ذكريات اسكندرية: مرة طارق